Segir nýja þjóðaróperu verða glæsilega

Lilja Dögg Alfreðsdóttir, menningar- og viðskiptaráðherra, segir nýja þjóðaróperu auðvitað verða mjög glæsilega.

Tilefnið er áskorun stjórnar Íslensku óperunnar á ríkisstjórn Íslands um að standa vörð um þá mikilvægu menningarstarsemi sem Íslenska óperan hefur staðið fyrir og koma í veg fyrir það menningarslys sem af því hlytist að leggja stofnunina niður.

Íslensku óperunni hefur verið tilkynnt að rekstrarframlögum til stofnunarinnar verði hætt.

Frétt af mbl.is

Hætta starfsemi vegna niðurskurðar

Vinna að frekara samstarfi

„Við erum að taka þetta í skrefum. Við þurfum að byggja upp innviðina. Það sem er að gerast í óperuhúsum, sinfóníuhljómsveitum og þjóðleikhúsum annarra ríkja er miklu meira samstarf. Við erum að vinna að því núna,“ segir Lilja í samtali við mbl.is.

Þórunn Sigurðardóttir vinnur að því með menningar- og viðskiptaráðuneytinu að skoða hvernig hægt sé að nýta Sinfóníuhljómsveitina og Þjóðleikhúsið í samstarfi við þjóðaróperuna.

Frétt af mbl.is

„Gríðarlegt menningarslys í uppsiglingu“

Nýtt rekstrarfyrirkomulag í nýrri þjóðaróperu

„Við þurfum að nýta alla innviðina þar í staðinn fyrir að búa til nýja þjóðaróperu og nýta þessa peninga eins vel og við mögulega getum.“

Lilja segir stjórnvöld vilja sjá nýtt rekstrarfyrirkomulag á óperunni og meiri samnýtingu á tónlistar- og sviðslistainnviðum en áður hefur verið og að það sé farsælla að gera það í samstarfi og í nýrri þjóðaróperu.

• Blogga um frétt