Dagur tjáir sig um trén í Öskjuhlíð

Dagur B. Eggertsson, borgarstjóri Reykjavíkur, segir að kallað verði eftir sjónarmiðum þeirra sem hagsmuna hafa að gæta í tengslum við kröfu Isavia um að 2.900 tré verði felld niður í Öskjuhlíð.

Frétt af mbl.is

„Við ætlum ekki að skilja Öskjuhlíðina eftir sköllótta“

Segir hann ljóst „að um er að ræða mikilvægt útivistarsvæði og einn elsta samfellda skóg innan borgarmarkanna. Ljóst er að þessa kröfu þarf að skoða vandlega enda nýtur Öskjuhlíðin verndar í deiliskipulagi, er skilgreind sem borgargarður í aðalskipulagi og er auk þess á náttúruverndarskrá,“ skrifar Dagur í færslu sem var birt á Facebook. 

Frétt af mbl.is

Isavia vill fella 2.900 tré í Öskjuhlíð

Borgin staðið við sitt 

Þá sendir Dagur þeim flugmönnum og talsmönnum flugs tóninn sem segja borgina ekki hafa uppfyllt samninga sem gerðir hafa verið í tengslum við flugvöllinn. Beinir hann mönnum þess í stað að fara með umkvartanir sínar til ríkisins.

„Margir samningar hafa verið gerðir um Reykjavíkurflugvöll, sjá meðfylgjandi. Þar er kveðið á um fjölmargt: svo sem stækkun flugstjórnarmiðstöðvar, gerð deiliskipulags fyrir aðflugsljós og trjáfellingar þegar þriðju braut vallarins væri lokað. Öll þessi atriði - sem kölluðu á aðkomu borgarinnar - hefur hún efnt. Ráðist var í fellingu á 140 trjám árið 2017 á grunni tillagna sem sátt var um í samræmi við samninga frá 2013.

Ekkert af þessu komið til framkvæmda 

Hins vegar segir Dagur ríkið draga lappirnar. „Þau atriði sem lúta að ríkinu/Isavía eru hins vegar: að gera nýjan æfinga-, kennslu- og einkaflugvöll "eins fljótt og verða má", færa flugvallargirðingu að skilgreindu öryggissvæði að loknu gerð deiliskipulags og endurskoða skipulagsreglur Reykjavíkurflugvallar á grunni samninga. Ekkert af þessu hefur þó komist til framkvæmda þótt tíu ár séu liðin frá samningunum og Reykjavíkurborg hafi rekið á eftir málum," segir Dagur.

• 1 blogg um fréttina

Bloggað um fréttina

• Benedikt V. Warén: Þetta er ekki vandamál bara verkefni að leysa