Helgi Gunnarsson, lögreglufulltrúi hjá lögreglunni á höfuðborgarsvæðinu, segir í samtali við mbl.is að rannsóknardeild lögreglunnar á höfuðborgarsvæðinu fundi klukkan átta í fyrramálið til að fara yfir staðreyndir málsins er varðar brunann í iðnaðar­hús­næði við Hval­eyr­ar­braut 22 í Hafnar­f­irði.

Frétt af mbl.is

Myndskeið: Stórbruni í Hafnarfirði

Helgi segir of snemmt að segja til um hvort að lögreglan hefji sakamálarannsókn en að fundað verði á morgun til að fara yfir hvað sé vitað og hverju þurfi að komast að.

„Við þurfum fyrst að vita hverjir voru þarna inni og við þurfum að komast á núllpunkt,“ segir hann og bætir við að þó svo að tölur séu á reiki í fjölmiðlum að 17-22 manns hafi búið þarna, að þá sé það með öllu óvitað.

Frétt af mbl.is

Hafa náð tökum á eldinum

Fólk búið í húsnæðinu í mörg ár

Húsnæðið var atvinnuhúsnæði og því má fólk ekki búa í því. Spurður út í það segir Helgi að slíkt sé því miður of algengt. Flestir hafi vitað að þarna hafi fólk búið ólöglega.

„Fólk hefur búið þarna í mörg ár og eldvarnir í þessu húsi voru ekki til fyrirmyndar.“

Tengdar fréttir

Eldsvoði við Hvaleyrarbraut

Eldsupptök enn óljós

• Ekki vitað hvort leigusalar verða ákærðir
• „Það gengur ekkert upp nema það sé allt öruggt“
• Slökkvistarfið lækkaði þrýstinginn á kalda vatninu
• „Óviðunandi aðstaða“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Sama raunasagan áfram.