Þorsteinn Gunnarsson, varðstjóri í aðgerðarstjórn slökkviliðsins á höfuðborgarsvæðinu segir að slökkvilið sé búið að ná tökum á eldinum í iðnaðarhúsnæði við Hvaleyrarbraut 22 í Hafnarfirði.

„Það er framhaldsvinna núna í gangi. Þeir eru búnir að ná tökum á þessu nokkuð vel. Það verður vinna þarna fram á nótt. Það er svo mikill hiti í öllu saman og kannski einhver eldhreiður hér og þar og það þarf að rífa húsið,“ segir Þorsteinn í samtali við mbl.is.

Þorsteinn segir víst að húsið sé mikið skemmt en fyrr í kvöld sagði Birgir Finnsson, starfandi slökkviliðsstjóri SHS, að húsnæðið væri líklega gjörónýtt.

Frétt af mbl.is

Slökkvistarf fram á nótt

Tengdar fréttir

Eldsvoði við Hvaleyrarbraut

Rústirnar verða rifnar á næstunni

• Rústir mikið lýti á hverfinu
• Látið standa hálfbrunnið
• „Þetta er staðan í dag“
• Eldsupptök enn óljós

» Fleiri tengdar fréttir

• Blogga um frétt