Slökkvistarf við Hval­eyr­ar­braut í Hafnar­f­irði gæti haldið áfram inn í nótt­ina að sögn Birg­is Finns­son­ar, starf­andi slökkviliðsstjóra hjá slökkviliðinu á höfuðborg­ar­svæðinu. Hann seg­ir að hús­næðið sé lík­lega gjör­ónýtt. 

„Við vor­um að von­ast til þess að við næðum að rjúfa húsið í tvennt þannig við gæt­um haldið öðrum hlut­an­um en það gekk ekki upp. Við erum komn­ir með eld í þann hluta sem við sjá­um hér næst okk­ur,“ seg­ir Birg­ir sem talaði við blaðamann á staðnum fyrr í kvöld.

Um klukk­an 17:15 í dag braust eld­ur út um glugga á efri hæð í vest­ur­hluta hús­næðis­ins. mbl.is/​Ant­on Guðjóns­son

„Eld­varn­ir húss­ins eru ekki að spila með okk­ur“

Birg­ir seg­ir að miðað við hvernig hlut­irn­ir séu að spil­ast þá gæti slökkvistarf haldið áfram fram á nótt.

Eld­ur­inn kviknaði rétt eft­ir há­degi í dag og var allt til­tækt slökkvilið höfuðborg­ar­svæðis­ins kallað út. Nú þegar klukk­an er far­in að ganga átta seg­ir Birg­ir ekk­ert verið að draga úr aðgerðunum.

„Núna er þetta að aukast aft­ur því þetta er komið yfir í ann­an hluta. Þetta er orðið þannig slökkvistarf að við erum ekki að senda slökkviliðsmenn inn. Við erum í raun­inni að verja hluta húss­ins og ger­um það með stór­virk­um vél­um,“ seg­ir Birg­ir og bæt­ir við: „Eld­varn­ir húss­ins eru ekki mikið að spila með okk­ur“.

Stefn­ir í að hús­næðið verði gjör­ónýtt?

„Jú, það er því miður ekki flókn­ara,“

Frétt af mbl.is

Húsið er gjör­ónýtt

Allt bend­ir til þess að ekki hafi orðið mann­fall

„Við telj­um að all­ir hafi kom­ist út. Við feng­um Rauða kross­inn til þess að fara yfir það og það er ekk­ert sem bend­ir til ann­ars,“ seg­ir Birg­ir.

Hann seg­ir hins veg­ar að íbú­ar í hús­næðinu hafi marg­ir verið er­lend­ir rík­is­borg­ar­ar og að ein­hverj­ir þeirra séu tald­ir vera er­lend­is.

„Við get­um ekk­ert full­yrt um það en það er ekk­ert sem bend­ir til ann­ars en að all­ir sem hafi verið í hús­inu hafi kom­ist heil­ir út,“ seg­ir Birg­ir.

Frétt af mbl.is

Simon ætlaði að flytja út eft­ir viku

Birg­ir Finns­son, starf­andi slökkviliðsstjóri hjá slökkviliðinu á höfuðborg­ar­svæðinu. mbl.is/​Ant­on Guðjóns­son

Eld­ur­inn var þegar bú­inn að dreifa sér

Birg­ir seg­ir að ekki sé vitað um það hvernig eld­ur­inn kviknaði en elds­upp­tök­in hafi því miður orðið fyr­ir miðri bygg­ing­unni.

„Það eru marg­ar ein­ing­ar og hólf í þess­ari bygg­ingu. Eld­ur er bú­inn að dreifa sér tölu­vert þegar við fáum til­kynn­ing­una. Það var í upp­hafi flókið að átta sig á því hvar við kæm­umst að eld­in­um,“ seg­ir Birg­ir sem seg­ir aðgerðirn­ar hafa verið um­fangs­mikl­ar.

Aðgerðirn­ar hafi í upp­hafi mikið snú­ist um að bjarga forn­bíl­um út úr hús­inu að beiðni eig­enda og leigj­enda húss­ins. „Það væri miklu meira virði held­ur en að fara í að slökkva,“ seg­ir Birg­ir.

Hann seg­ir það hafa farið fram með góðri aðstoð þeirra sem eiga bíl­ana og með aðstoð ná­granna í göt­unni.

„Það tókst að bjarga tölu­verðu af verðmæt­um en ég ætla ekki að gera lítið úr því að það var tölu­vert sem var ekki hægt að bjarga,“ seg­ir Birg­ir.

Um­fangs­mikið slökkvistarf stend­ur enn yfir í Hafnar­f­irði. mbl.is/​Ant­on Guðjóns­son

Tengd­ar frétt­ir

Elds­voði við Hval­eyr­ar­braut

Rúst­irn­ar verða rifn­ar á næst­unni

• Rúst­ir mikið lýti á hverf­inu
• Látið standa hálf­brunnið
• „Þetta er staðan í dag“
• Elds­upp­tök enn óljós

» Fleiri tengd­ar frétt­ir

• Blogga um frétt