Rannsókn tæknideildar lögreglu á eldsupptökum brunans í iðnaðarhúsnæðinu við Hvaleyrarbraut 22 í Hafnarfirði í gær stendur yfir. Samkvæmt tilkynningu frá lögreglu er málið ekki rannsakað sem sakamál en það var niðurstaðan að lokinni frumathugun á vettvangi.

Eftir því sem lögregla kemst næst voru íbúar í húsnæðinu þrettán talsins. Þeir náðu allir að forða sér út úr húsinu.

Frétt af mbl.is

Ómögulegt fyrir reykkafara að leita í húsinu

Iðnaðarbilin í húsinu eru mis illa farin. mbl.is/Eggert Jóhannesson

Hvetur vitni til að gefa sig fram

Grímur Thor Thoroddsen rannsóknarlögreglumaður segir í samtali við mbl.is ómögulegt að segja til um það hvenær rannsókninni kemur til með að ljúka.

„Þetta er stór vettvangur og bilin eru mis illa farin.“

Lögreglan á höfuðborgarsvæðinu hvetur vitni til að gefa sig fram í síma 444 1000.

Tengdar fréttir

Eldsvoði við Hvaleyrarbraut

Eldsupptök enn óljós

• Ekki vitað hvort leigusalar verða ákærðir
• „Það gengur ekkert upp nema það sé allt öruggt“
• Slökkvistarfið lækkaði þrýstinginn á kalda vatninu
• „Óviðunandi aðstaða“

» Fleiri tengdar fréttir

• Blogga um frétt