Svona var umhorfs við Hvaleyrarbraut 22 í morgun en slökkvistarfi lauk á fimmta tímanum í nótt eftir að eldur kom upp í iðnaðarhúsnæði þar sem margs konar starfsemi fór fram.

Í húsinu voru meðal annars ósamþykktar íbúðir og var fólk í húsinu þegar eldurinn kom upp. Slökkvilið veit hins vegar ekki til annars en að allir hafi komist út.

Húsið er að stórum hluta ónýtt en sum bilin sluppu þó betur en önnur og einhver ótrúlega vel.

Lögregla vinnur við að tryggja vettvanginn og síðar í dag er reiknað með að rannsóknardeild lögreglu taki við vettvanginum áður en hann verður afhentur tryggingarfélögum.