Háværar drunur í sprengjuflugvélum yfir borginni

Háværar drunur heyrðust víða um borgina þegar að því er virtist þrjár B-2 Spi­rit sprengjuflug­vél­ar úr flugsveit bandaríska flughersins flugu yfir.

Sjónarvottur sem mbl.is ræddi við kveðst hafa verið á göngu í Grafarvogi á fjórða tímanum í dag þegar vélarnar flugu yfir borgina. Slík voru lætin að viðkomandi nam staðar eins og fleiri sem voru á sama svæði og fylgdist með herlegheitunum. Stór hópur gæsa sem hafði verið í makindum á voginum ærðist við hávaðann og tók á loft.

Frétt af mbl.is

Bandaríski flugherinn til landsins

Æfingar með bandalagsríkjum

Talsvert ónæði varð af flugi vélanna víðs vegar um höfuðborgarsvæðið en drunurnar vörðu í að minnsta kosti mínútu.

Vélarnar eru notaðar við æfingar flug­hers­ins með banda­lags­ríkj­um Norður-Evr­ópu. Landhelgisgæslan ann­ast fram­kvæmd verk­efn­is­ins í sam­vinnu við Isa­via, í umboði ut­an­rík­is­ráðuneyt­is­ins.

• Blogga um frétt