Innlent | mbl | 23.8.2023 | 20:55 | Uppfært 24.9.2023 13:14

„Óviðunandi aðstaða“

Sigurður Ingi Jóhannsson segir óviðunandi að fólk búa í óleyfishúsnæði, sem ekki sé undir neinu eftirliti. Samsett mynd

„Sú staða sem uppi er, að fólk sé að búa í óleyfishúsnæði sem ekki er undir nokkru eftirliti, það er algjörlega óviðunandi aðstaða,“ segir Sigurður Ingi Jóhannsson, innviðaráðherra í samtali við mbl.is.

Aðspurður segir hann það enga spurningu að knýja þurfi í gegn tillögur starfshóps sem skipaður var af ráðuneytinu varðandi skrásetningu í óleyfisbúsetu og úrbótum á brunavörnum.

Frétt af mbl.is

Standa eftir heimilislaus í kjölfar eldsvoðans

Heimila búsetu gegn eftirliti

Ráðherra kom á laggirnar tveimur starfshópum í kjölfar brunans á Bræðraborgarstíg, en annar þeirra skilaði inn tillögum í vor og hefur verið í samráðsgátt stjórnvalda í sumar. Tillögurnar lúta m.a. að lagabreytingum varðandi skrásetningu í óleyfisbúsetu, takmarkanir á fjöldaskráningum og fræðsluátaki um brunvarnir.

„Það auðvitað tekur tíma að koma því öllu á koppinn,“ segir Sigurður Ingi. Hann segir að ákveðnar lagabreytingar sem verði að tryggja. Það hafi verið til skoðunar að heimila búsetu í húsnæði sem þessu, gegn því að þau fari í gegn um eftirlit hjá viðeigandi aðilum.

Frétt af mbl.is

„Það gengur ekkert upp nema það sé allt öruggt“

13 manns voru búset í húsinu við Hvaleyrarbraut 22, en það er skráð sem atvinnuhúsnæði. mbl.is/Eggert Jóhannesson

Á ekki endilega við um húsið við Hvaleyrarbraut

Formaður húsfélagsins á Hvaleyrarbraut 22 sagði nýverið í samtali við mbl.is að húsakynnin væru með öllu óásættanleg til búsetu, enda atvinnuhúsnæði þar sem mikið væri um hættuleg eða heilsuspillandi efni.

Inntur eftir því hvort hægt sé að heimila búsetu í slíkum húsakynnum segir Sigurður Ingi að þar eigi ekki endilega við þetta tiltekna hús. Húsin þurfi einmitt af þeirri ástæðu að gangast undir mat sérfræðiaðila.

„Við þurfum fyrst og fremst meir athygli á þessa hluti og að þeir aðilar sem geta haft afskipti af, hafi heimildir til þess.“