Bankinn misst trúverðugleika

„Seðlabankinn verður að spyrja sig hvort hann hafi náð, í gegnum þessar miklu sviptingar sem orðið hafa, að viðhalda trúverðugleika sínum […] Mér finnst mjög skýrt sagt að bankinn tali ekki nægilega skýrt um að hann hafi tól sem hann ætli að nota og muni virka.

Þegar bankinn vísar ábyrgðinni á vaxtahækkunum á einhverja aðra aðila í hagkerfinu þá er það ekki til þess að auka mjög trú mína eða annarra held ég á því að bankinn trúi því sjálfur að tólin hans virki til þess að ná árangri.“

Þetta segir Bjarni Benediktsson fjármála- og efnahagsráðherra í viðtali í Dagmálum sem birt hafa verið á mbl.is.

Frétt af mbl.is

Afkoman 200 milljörðum betri

Ekki meginverkefni ríkisfjármálanna

Gefur hann lítið fyrir þá gagnrýni Seðlabankans að ríkisstjórnin hafi ekki beitt ríkisfjármálunum af nægilegum þunga til þess að vega á móti verðbólgunni. Segir Bjarni að það sé ekki meginverkefni ríkisfjármálanna að tryggja verðstöðugleika, það sé hins vegar eitt meginhlutverk bankans.

Ráðherra kynnti á blaðamannafundi í gær hvernig ríkisstjórnin hygðist ná fram aukinni hagræðingu í ríkisrekstri. Spara á 17 milljarða króna með ýmsum aðgerðum. Meðal annars þeim að fækka starfsfólki á vettvangi hins opinbera. Bendir Bjarni á að það verði bæði gert með því að ekki verður ráðið í störf sem losna en einnig með beinum uppsögnum.

Frétt af mbl.is

„Dálítið langsótt“ af Ásgeiri að vísa ábyrgð annað

Gæti farið langleiðina

Spurður hvort fimm milljarða aðhald af þessu tagi geti haft áhrif á 400 störf er svarið:

„Það gæti farið langleiðina þangað þegar allt er fram komið.“

Önnur verkefni sem unnið verður að er að draga úr ferðakostnaði ríkisstarfsmanna, ná fram meiri hagræðingu í innkaupum ríkisins og þá verður tilteknum verkefnum á borði einstakra ráðuneyta seinkað. Það á m.a. við um uppbyggingu nýbyggingar samhæfingarstöðvar almannavarna og viðbyggingu við forsætisráðuneytið.

Hér fyrir neðan er hægt að horfa á þáttinn í heild sinni en þessi sérstaki aukaþáttur af Dagmálum.