Fara fram á framlengt varðhald í skútumálinu
Grímur Grímsson, yfirlögregluþjónn miðlægrar rannsóknardeildar.
Eggert Jóhannesson
Setja bókamerki
Lögreglan á höfuðborgarsvæðinu mun fara fram á að gæsluvarðhald verði framlengt yfir þremur mönnum sem grunaðir eru um að hafa reynt að smygla 160 kg af hassi til landsins með skútu.
Þetta staðfestir Grímur Grímsson, yfirlögregluþjónn miðlægrar rannsóknardeildar, við mbl.is. Varðhald var seinast framlengt þann 2. ágúst um fjórar vikur og rennur það út á morgun.
Mennirnir þrír voru handteknir þann 24. júní, tveir þeirra um borð í skútunni fyrir utan Reykjanes og sá þriðji í landi skömmu síðar. Sá elsti er fæddur 1970 og sá yngsti árið 2002.
160 kíló af hassi fundust í skútunni og grunar lögreglu að fíkniefnin hafi verið flutt frá Danmörku og áætlaður áfangastaður hafi verið Grænland.
Endurskoða starfsleyfi bálstofu kirkjugarðanna
Erfiðara mun reynast að verja Svartsengi
„Eitt andlát af völdum fíkniefna er alltaf einu of mikið“
Víðir gerir upp mistök frá covid-tímanum
Ný könnun: Sjálfstæðisflokkur dalar enn
„Ég er bara vongóður“
Biðlistar eftir skurðaðgerðum gætu lengst