Íslensku flugvélarnar komnar heim eða á leiðinni
Setja bókamerki
Allar flugvélar íslensku flugfélaganna Icelandair og Play sem sátu fastar í Bretlandi fyrr í dag eru lagðar af stað til Íslands eða hafa þegar lent á Keflavíkurflugvelli.
Talsverðar tafir voru á flugi í Bretlandi í dag vegna bilunar í tölvubúnaði sem leiddi til þess að flugáætlanakerfi í flugstjórnarkerfi Bretlands lá niðri. Í einhverjum tilfellum hefur þurft að aflýsa flugferðum vegna bilunarinnar, sem nú er búið að laga.
Sex flugvélar
Fjórar vélar á vegum Icelandair sem áttu að leggja af stað til Íslands festust úti á meðan verið var að gera við bilunina. Vélarnar voru á flugvöllunum í Glasgow, Manchester, Gatwick og Heathrow.
Að sögn Guðna Sigurðssonar hjá Icelandair seinkaði þeim flugferðum um 45-120 mínútur.
Jafnframt voru tvær flugvélar á vegum flugfélagsins Play fastar í Bretlandi, ein í London en hin í Glasgow.
Þeirri fyrrnefndu seinkaði um klukkustund en hinni síðarnefndu um 1-2 klukkustundur, að sögn Birgis Olgeirssonar, upplýsingafulltrúa Play.
„Átti von á fleiri útköllum“
JBT Marel muni einblína á tekjusamlegð
Hvetja fólk til að huga að niðurföllum
„Á allt sitt undir því að njóta trausts almennings“
Tilfellum RS-veiru fjölgar verulega
Íslendingar vanir að klæða sig vel
Gular viðvaranir í dag og á morgun
Ríkisstjórnin ekki beint á leiðinni í jólafrí