Sölubann á Lucky Charms og Cocoa Puffs fellt úr gildi

Matvælaráðuneytið hefur fellt út gildi ákvörðun Heilbrigðiseftirlits Reykjavíkur um sölubann á Lucky Charms og Cocoa Puffs.

Heilbrigðiseftirlitið lagði sölubann á Samkaup, sem hafði tekið upp innflutning á morgunkorninu eftir að heildsalan Nathan & Olsen sá sér ekki fært að flytja það inn vegna breytinga á uppskrift sem stangast á við löggjöf ESB og EES. 

Frétt af mbl.is

Samkaup kærir ákvörðun Heilbrigðiseftirlitsins

Frétt af mbl.is

Cocoa Puffs og Lucky Charms af íslenskum markaði

Aftur til meðferðar

Samkaup kærði ákvörðun Heilbrigðiseftirlitsins og matvælaráðuneytið tók ákvörðun um málið í nú í ágúst. Kemst ráðuneytið að þeirri niðurstöðu að Heilbrigðiseftirlitið hafi brotið gegn 10. grein stjórnsýslulaga er lýtur að rannsóknarreglunni.

Felur ráðuneytið Heilbrigðiseftirlitinu að taka málið aftur til meðferðar. 

Verulega íþyngjandi fyrir Samkaup

Í kær­unni Sam­kaupa kom fram að um­rædd ákvörðun hafi verið veru­lega íþyngj­andi fyr­ir kær­anda. Einnig að í slík­um til­vik­um væru gerðar meiri kröf­ur til málsmeðferðar stjórn­valds og að Heil­brigðis­eft­ir­litið gæti ekki sinnt rann­sókn­ar­skyldu þeirri sem á eft­ir­lit­inu hvíli.

Þá væri aðeins væri vísað til meira en árs­gam­alla yf­ir­lýs­inga frá Gener­al Mills og Nath­an & Ol­sen. Auk þess var ekki með nein­um hætti til­greint hvort og þá hvaða inni­halds­efni morgun­korns­ins Heil­brigðis­eft­ir­litið teldi ólög­mæt eða gegn hvaða regl­um hefði verið brotið.

• Blogga um frétt