Upptökin úr eystri Skaftárkatli
Setja bókamerki
Athuganir úr flugi staðfesta að upptök Skaftárhlaupsins eru í eystri Skaftárkatli. Vísindamenn veðurstofu eru enn í eftirlitsflugi yfir svæðinu með Landhelgisgæslu Íslands.
Rennsli Skaftár við Sveinstind mældist tæpir 700 rúmmetrar á sekúndu klukkan þrjú í dag en um 750 rúmmetrar á sekúndu í morgun. Því eru vísbendingar um að byrjað sé að draga úr rennsli við Sveinstind og að hlaupið verði í minna lagi miðað við fyrri hlaup úr eystri Skaftárkatli.
Þetta kemur fram í tilkynningu frá Veðurstofu Íslands.
Rennsli í Eldvatni mældist um 390 rúmmetrar á sekúndu klukkan þrjú en var tæplega 380 rúmmetrar á sekúndu klukkan níu í morgun.
Búist er við að hámarksrennsli við þjóðveg 1 verði náð um 10 klukkustundum eftir að hámarki er náð við Sveinstind.
Virðist hafa náð ákveðnum toppi
Einar Hjörleifsson, náttúruvársérfræðingur á Veðurstofu Íslands, segir að koma þurfi í ljós á næsta sólarhring hvort hlaupið hafi náð hámarki en það virðist hafa náð ákveðnum toppi í morgun.
„Sé þetta toppurinn er þetta fremur lítið hlaup úr eystri katlinum og sé þetta toppurinn og ef flóðið heldur áfram að streyma niður í átt að þjóðveginum þar til við sjáum hámarki náð við Eldvatn eða við þjóðveginn þá mun þetta vonandi ekki hafa áhrif á þjóðveginn eða aðra innviði.“
Miklar rigningar í kortunum
Einar segir að það taki nokkra sólarhringa að sjatna í ánni en að miklar rigningar sem eru í kortunum geti framlengt það að það sé mikið vatn áfram í ánni niðri á láglendi en að það þurfi að fylgjast með því áfram.
Fréttin hefur verið uppfærð
Æskuvinir sem fóru í víninnflutning frá Georgíu
Taka upp grímuskyldu á Landspítalanum
Feðgar saman í Grænlandstúr á jólum
KEF Spa: „Eitthvað sem þú hefur ekki séð áður“
Í vinnunni á aðfangadagskvöldi í 25 ár
/frimg/1/53/82/1538213.jpg)
„Hálendið eiga menn að skoða“
Var að slitna frá bryggju sökum hvassviðris