Rannsaka tengingar við enn annað mannshvarfið
Setja bókamerki
Lögregluyfirvöld í Suður-Karólínuríki Bandaríkjanna rannsaka nú hvort Rex Heuermann, arkitekt og raðmorðinginn grunaði, tengist hvarfi Juliu Ann Bean frá árinu 2017.
Heuermann hefur verið ákærður fyrir morð þriggja kvenna og grunaður um morð á einni til viðbótar. Allar fjórar fundust látnar við Gilgo-strönd í Long Island.
Þetta er alls ekki fyrsta sinn sem óupplýst mál er aftur tekið til skoðunar vegna ákæranna á hendur Heuermanns. Í júlí var greint frá því að lögreglan í Atlantic City í New Jersey væri að skoða hvort Heuermann gæti tengst óupplýstum málum þar er snerta morð annarra fjögurra kvenna.
Lögreglan í Las Vegas í Nevada skoðar einnig hvort Heuermann tengist máli er varðar andlát ungrar móður frá árinu 2006.
Ekki sést til hennar síðan 2017
Bandaríski fjölmiðillinn ABC segir frá því að seinast hafi sést til Juliu Ann Bean árið 2017, í Sumter-héraði. Dóttir hennar hafi þá tilkynnt lögreglu um hvarf hennar.
Einstaklingur sem segist hafa verið vinur Beans hefur nú veitt lögreglunni í Sumter-héraði nýjar upplýsingar um hvarf hennar. Lögreglan kveðst nú hafa deilt upplýsingunum með Alríkislögleglu Bandaríkjanna (FBI) og segir að rannsóknin standi enn yfir.
Cameron, dóttir Beans, sagði síðan nýlega við lögregluyfirvöld að hún hefði séð móður sína með einhverjum „sem gæti hugsanlega verið Heuermann“.
„Rannsakendur hafa verið að grandskoða þær upplýngar sem bárust nýlega til þess að sjá hvort það séu einhver sönnunargögn sem tengi hvarf Beans við Heuermann. Enn eru engin sönnunargögn sem staðfesta eða útiloka hugsanlega tenginu,“ segir í tilkynningu frá lögreglunni í Sumter-héraði.
Heuremann á íslenska eiginkonu, Ásu Ellerup, sem hefur þó sótt um skilnað.
Oddvitaviðtöl í Reykjavík suður
Biðlistar eftir skurðaðgerðum gætu lengst
/frimg/1/51/19/1511999.jpg)
Lenda í háska í óskipulögðum jöklaferðum
Engin læknisþjónusta á heilsugæslunni í verkfalli
Bindur vonir við að koma fjárlögunum í gegn
Ábendingar borist vegna leikskóla