Land hefur risið við Fagradalsfjall um einn sentimetra frá goslokum, sem þýðir að kvikusöfnun er enn í fullum gangi neðarlega í jarðskorpunni þó að gosrás upp við Litla-Hrút hafi lokast. Þetta kemur fram í færslu eldfjalla- og náttúruvárhóps Suðurlands á Facebook. 

Náttúruvársérfræðingur Veðurstofu segir í samtali við mbl.is að undanfarar síðustu gosa hafi byrjað með landrisi á Reykjanesi og það sé þá túlkað sem svo að kvika sé að flæða. Vísbendingar eru nú um að gosin gæti hafist með styttra millibili en síðustu ár á Reykjanesskaga.

„Þykir þetta benda til þess að innskotavirkni og mögulega eldgos munu eiga sér stað á nýjan leik, með tilheyrandi jarðskjálftavirkni,“ segir í færslu náttúruvárhópsins.

Frétt af mbl.is

Landris hafið að nýju á Reykjanesskaga

Á meðfylgjandi mynd er sýnd lóðrétt færsla á GPS mæli við Festarfjall, sunnan Fagradalsfjalls, og sést þar stöðugt landris frá því í ágústbyrjun. Einnig sést landris á tímabilinu milli apríl- og júnímánaðar, sem átti sér stað í aðdraganda eldgossins sem hófst í júlí. Landrisið nú virðist heldur hraðara en þá. Kort/Veðurstofa Íslands

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir

• Blogga um frétt