Leggur til jarðgöng úr Hafnarfirði í stað Fossvogsbrúar

„Það er fullt tilefni til að endurskoða þessa framkvæmd eins og aðrar stórar framkvæmdir sem ríkið fer í,“ segir Vilhjálmur Árnason, formaður umhverfis- og samgöngunefndar Alþingis, í samtali við Morgunblaðið í dag.

Vilhjálmur segir meðal annars að þegar þegar litið sé til mikils kostnaðar við Fossvogsbrú sé tími til kominn að huga að öðrum lausnum.

Frétt af mbl.is

Toppar í framkvæmdum fram undan

Frá Engidal og að Suðurgötu

Hann nefnir að ef boruð yrðu göng frá Engidal í Hafnarfirði að Suðurgötu í Reykjavík þyrfti aðeins að breyta skipulagi við gangamunnana. Allar framkvæmdir yrðu neðanjarðar og ekki þörf á að loka götum á meðan.

Einng væri auðvelt að innheimta veggjöld af umferð um göngin. Þannig mætti leysa skipulagsmálið, umferðarteppur á framkvæmdatíma og framkvæmdin væri tilvalin til þess að fá einkaaðila eins og t.d. lífeyrissjóði að verkefninu. „Það yrðu engin jarðgöng á Íslandi arðbærari en þessi,“ segir Vilhjálmur.

Nánar er rætt við Vilhjálm í Morgunblaðinu í dag.