Tvisvar kallað út vegna elds í rafmagnshlaupahjólum

Slökkvilið var kallað út í nótt til þess að slökkva eld í rafhlaupahjóli í vesturbæ. Er þetta annað sinn á seinasta sólarhring sem slökkvilið hefur þurft að sinna slíku verkefni.

Samkvæmt upplýsingum frá slökkviliði var rafhlaupahjólið inni í bílskúr við Freyjugötu í Vesturbæ og þurfti að slökkviliðið að reykræsta skúrinn.

Í gærkvöldi kom upp eld­ur í rafhlaupahjóli sem var í geymslu við heima­hús í Kópa­vogi. Raf­hlaupa­hjólið var í hleðslu þegar sá eld­ur­ kom upp. 

Frétt af mbl.is

Mikill viðbúnaður vegna elds í rafhlaupahjóli

Rafmagnshlaupahjólið sem brann. Ljósmynd/Slökkvilið höfuðborgarsvæðisins

Á ekki að hlaða hlaupahjól innandyra

Slökkviliðið á höfuðborgarsvæðinu hefur sent frá sér tilkynningu þar sem segir að síðasta sólarhringinn hafi þurft að fara í tvö verkefni þar sem kviknað hefur í út frá rafmagnshlaupahjóli.

„Við höfum brýnt fyrir fólki, og gerum það áfram, að hlaða ekki rafmagnshlaupahjól innandyra, nota þau hleðslutæki sem ætluð eru hjólinu og ekki geyma hjólin inni í íbúðarrýmum,“ segir í tilkynningunni.

„Í heildina voru þetta 7 verkefni fyrir dælubílana en meðal annarra verkefna voru vatnstjón og pottur á eldavéla. Að auki voru 119 boðanir fyrir sjúkrabifreiðar í nótt en af þeim voru 34 forgagnsverkefni.“

• Blogga um frétt