Grunur um að bílstjórinn hafi dottað við akstur
Setja bókamerki
Grunur leikur á að bílstjóri rútubifreiðarinnar, sem valt út af þjóðveginum sunnan við Blönduós snemma í morgun, hafi dottað við aksturinn.
Þyrla Landhelgisgæslunnar og allir tiltækir viðbragðsaðilar voru kallaðir út upp úr klukkan fimm í morgun þegar tilkynning barst um slysið. Þá var samhæfingarmiðstöð almannavarna virkjuð.
Rútan var á vegum SBA-Norðurleiðar og var að flytja farþega til Akureyrar, starfsmenn þjónustumiðstöðva í sambýlum á Akureyri, þegar slysið varð skammt frá bænum Brekku sunnan við Blönduós.
Gunnar M. Guðmundsson, framkvæmdastjóri SBA-Norðurleiðar, segist í samtali við mbl.is telja líklegast að bílstjórinn hafi dottað við aksturinn.
„Það eru allar líkur á að viðkomandi hafi dottað eitthvað, það er einfaldasta skýringin,“ segir Gunnar. Segir hann þó að málið sé ekki komið á rannsóknarstig.
Rúta valt á sömu slóðum árið 2020
Í janúar 2020 valt rúta út af veginum á sama svæði skammt frá bænum Öxl. Tæpir tveir kílómetrar eru á milli bæjanna Brekku og Axlar.
Palestínskir fánar hengdir upp í óþökk kirkjunnar
Taka yfir Hvolsvöll um helgina
Ekkert komið í stað prófanna
Forstjóri Vegagerðarinnar: Bakslag í banaslysum
Vatn í tankskipum
Fjárfestingin mun hlaupa á milljörðum króna
Fjölskyldan í áfalli: Hafa borið kennsl á tvo menn