140 smáskjálftar mælst
Setja bókamerki
Um 140 smáskjálftar hafa mælst á Reykjanesskaga frá því að snarpur skjálfti varð vestan við Kleifarvatn í fyrrinótt.
Einar Hjörleifsson, náttúruvársérfræðingur á Veðurstofu Íslands, segir í samtali við mbl.is að skjálftarnir séu allir undir 1,5 að stærð en auk þess mældist skjálfti upp á 2,5 á svipuðum slóðum klukkan 8.36 í morgun.
Skjálftinn sem mældist í fyrrinótt var 3,8 að stærð og varð tveimur kílómetrum vestan við Kleifarvatn klukkan 3.24. Sá skjálfti er hluti af virkninni á Reykjanesskaga.
Landris vísbending um kvikusöfnun
Morgunblaðið greindi frá því í byrjun mánaðar að landris væri hafið á Reykjanesskaga að nýju og hefur það nú náð um það bil 1,5 cm frá því að síðasta eldgosi lauk við Litla-Hrút fyrir rúmum mánuði.
„Þetta eru fyrstu merki um að kvika sé byrjuð að safnast undir mjög miklu dýpi. Hversu hröð sú framþróun verður er mjög erfitt að segja til um,“ segir Einar.
Magnús Freyr Sigurkarlsson, sem er einnig náttúruvársérfræðingur á veðurstofunni, sagði við mbl.is í vikunni að landrisið væri stöðugt.
/frimg/1/42/55/1425579.jpg)
Æskuvinir sem fóru í víninnflutning frá Georgíu
Í vinnunni á aðfangadagskvöldi í 25 ár
Taka upp grímuskyldu á Landspítalanum
Sex fluttir með þyrlunni og þar af eitt barn
Björgunarsveitir kallaðar út í nótt
Éljagangur en síðan slydda eða rigning
38 létust í flugslysi
„Við munum grípa inn í“