Þann 1. september voru samtals 658 börn, tólf mánaða og eldri á biðlista eftir leikskólaplássi í borgarreknum leikskólum. Til viðbótar bíða 67 börn eftir flutningi úr sjálfstætt starfandi leikskólum í Reykjavík.

Þetta kemur fram í tilkynningu frá Reykjavíkurborg.

Áætlað er að um 180 til 200 börn tólf mánaða og eldri frá 1. september séu ekki með dagvistun í Reykjavík. Eru það að stórum hluta eldri börn sem eru nýkomin á biðlista eftir leikskóla í Reykjavík. 

375 í vist hjá dagforeldrum

Meðal þeirra barna sem eru á biðlistanum eru um 120 börn sem eiga eftir að fá úthlutað plássi hjá sjálfsstætt starfandi leikskóla í borginni.

Börn sem eru að fara að hefja vistun í sjálfstætt starfandi leikskólum en eru á biðlista eftir borgarreknum leikskólum detta ekki út af biðlistanum fyrr en vistun hefst. Þá eru í dag 375 í vist hjá dagforeldrum, og flest þeirra eru á biðlista eftir leikskólaplássi.

Keðjuverkun í vistunarmálum

Í tilkynningunni segir að það sé alltaf ákveðin keðjuverkun í vistunarmál barna á leikskólaaldri en þegar lítið pláss bjóðist í borgarreknum leikskóla losni gjanan pláss á móti hjá sjálfstætt starfandi skólum og hjá dagforeldrum.

Þá sé mikil hreyfing á listum þegar fjölskyldur flytja á milli bæjarfélaga. Þá muni bætast við pláss hjá borgarreknum jafnt sem sjálfstætt starfandi skólum þegar viðgerðum og endurbótum á húsnæði lýkur og þegar nýtt skólahúsnæði er opnað.

Stærðarmunur árganga mikill

Einnig er vakin athygli á því að árgangur 2021 sé sérlega stór árgangur, aðeins 2009 árgangurinn sé stærri. Á móti sé 2017 árgangurinn, sem hóf skólagöngu í 1. bekk í haust, minnsti árgangurinn í grunnskólum borgarinnar. 

Stærðarmunur árganganna sem voru að fara í skóla og þeirra sem eru að koma inn er tæplega 300 börn.

Tengdar fréttir

Leikskólamál

Leikskólaplássum á Miðborg fjölgað úr 86 í 161

• Fyrsta borgaraþing Reykjavíkurborgar haldið í dag
• Skoða byggingu nýs leikskóla á Húsavík
• 1.715 börnum boðið leikskólapláss
• Tillaga um Kópavogsmódel var felld

» Fleiri tengdar fréttir

• Blogga um frétt