Berjast við eld í Urðarhvarfi

Slökkvilið höfuðborgarsvæðisins berst nú við eld sem upp kom á annarri hæð iðnaðarhúsnæði í Urðarhvarfi í Kópavogi á sjöunda tímanum í kvöld.

Lögreglan fékk tilkynningu um málið klukkan 18.55.

Uppfært klukkan 19.55:

Sigurjón Hendriksson, varðstjóri slökkviliðsins, segir í samtali við mbl.is að slökkviliðið sé búið að eiga við töluverðan eld í húsnæðinu en að aðgerðir gangi vel.

Engin tilkynning hefur borist um að fólk hafi slasast. 

Eldurinn er á efri hæð í tveggja hæða byggingu. Eldsupptökin voru í miðju húsnæði og breiddi vel úr sér. Slökkviliðið hóf strax að sækja að eldinum úr sunnanátt og norðanátt.

Vel gengur að ráða niðurlögum eldsins og reykmökkurinn fer dvínandi.