„Kýrnar splundruðust í allar áttir“

Lög­regl­an á Ak­ur­eyri var kölluð út aðfaranótt sunnu­dags vegna um­ferðaró­happs sem átti sér stað á þjóðveg­in­um ná­lægt bæn­um Klauf í Eyja­fjarðarsveit en bíl var ekið á kúa­hóp sem var á veg­in­um.

Fernt var í bíln­um og var einn farþegi flutt­ur til skoðunar á sjúkra­hús­inu á Ak­ur­eyri með minni­hátt­ar meiðsli að sögn Kára Erl­ings­son­ar, varðstjóra hjá lög­regl­unni á Ak­ur­eyri, í sam­tali við mbl.is.

Þetta var mikið áfall

Þrjár kýr dráp­ust við árekst­ur­inn og af­lífa þurfti eina en mik­il mildi þykir að ekki hafi orðið slys á fólki að sögn Her­manns Inga Gunn­ars­son­ar, bónda í Klauf. Hann lýs­ir at­b­urðarás­inni þannig:

„Þetta var mikið áfall. Eins og kem­ur stund­um fyr­ir þá opna kýr hlið og í þessu til­felli brutu þær upp hurð hjá okk­ur og sluppu út. Þetta voru all­ar kýrn­ar á bæn­um, 70 tals­ins. Við hjón­in vor­um ásamt tengdapabba alla nótt­ina að reyna að koma kún­um inn. Okk­ur hafði tek­ist að koma öll­um nema tíu inn. Þær voru ná­lægt veg­in­um.“

Reynd­um að hægja á um­ferðinni

Her­mann Ingi seg­ir ung­lingapartý hafa verið inn­ar í sveit­inni og um­ferðin mjög mik­il.

„Það kom bíll að þeim. Hann hægði ferðina og rak þær norður eft­ir veg­in­um. Þar með misst­um við þær frá bæn­um og þær enduðu svo­lítið í burtu á túni hjá næsta ná­granna. Þegar við vor­um búin að koma hinum kún­um í skjól þá fór­um við að leita að þess­um tíu sem eft­ir voru. Við vor­um með bíla á veg­in­um sem voru með blikk­andi ljós og reynd­um með því að hægja á um­ferðinni, sem var gríðarlega mik­il og óvenju mik­il hér í sveit­inni á þess­um tíma. Bíl­arn­ir óku mjög greitt.

Ég fann svo kýrn­ar og þegar ég er á leið með þær heim í veg­kant­in­um þá missi ég þær aðeins frá mér. Þá kom bíll á mikl­um hraða og keyrði á nokkr­ar kýr sem voru komn­ar upp á veg­inn. Þær splundruðust í all­ar átt­ir. Þrjár dráp­ust sam­stund­ir, eina þurft­um við að af­lífa á staðnum og svo er spurn­ing hvort ein lifi þetta af. Við erum senni­lega að missa fimm kýr,“ seg­ir Her­mann Ingi í sam­tali við mbl.is.

Hefði ekki þurft að spyrja að leiks­lok­um

Her­mann Ingi seg­ir að bíll­inn sem lenti á kún­um sé ónýt­ur en lög­regla og sjúkra­bif­reið voru kölluð á staðinn.

„Það voru fjór­ir ung­ir krakk­ar í bíln­um og við hitt­um þá og for­eldr­ar öku­manns­ins komu á staðinn. Þetta var erfitt ástand og við vor­um í stór­hættu. Ef ég hefði verið nær kún­um þegar bíll­inn lenti á þeim þá hefði ekki þurft að spyrja að leiks­lok­um. Ég tók aldrei eft­ir því að bíll­inn hægði á sér fyrr en hann lenti á kún­um. Þetta er mjög mikið fjár­hags­legt tjón fyr­ir okk­ur og það er til­finn­inga­legt áfall að horfa upp á þetta ger­ast. Auðvitað er þetta bara slys en eins og ég sagði var um­ferðin gríðarlega mik­il og hvað sem við gerðum til að hægja á henni þá tókst það ekki,“ sagði Her­mann Ingi.

Kári Erl­ings­son, varðstjóri lög­regl­unn­ar á Ak­ur­eyri, staðfest­ir að lög­regl­unni hafi borist til­kynn­ing um um­ferðaró­happ við Klauf í Eyja­fjarðarsveit um klukk­an hálf tvö aðfaranótt sunnu­dags. „Það var gerð lög­reglu­skýrsla eins og gert er þegar um­ferðarslys á sér stað,“ seg­ir Kári.

Frétt af mbl.is

Lýsa eft­ir öku­manni sem ók á kú

Lög­regl­an á Norður­landi eystra lýsti í gær eft­ir öku­manni sem ók bif­reið sinni af vett­vangi eft­ir að hafa ekið á kú í Hörgár­dal við Jón­as­ar­lund á Þjóðvegi 1 rétt eft­ir klukk­an hálf fjög­ur í gær.  Að sögn Kára er ökumaður­inn ekki fund­inn en hann seg­ir þó að ein­hverj­ar ábend­ing­ar hafi borist. Af­lífa þurfti kúna.

• Blogga um frétt