Á ár­inu 2024 er gert ráð fyr­ir að 46 millj­arða kr. halli verði á heild­araf­komu rík­is­sjóðs sem sam­svar­ar 1% af vergri lands­fram­leiðslu og hef­ur af­kom­an ekki verið betri síðan 2018, að því er fram kem­ur í nýju frum­varpi til fjár­laga. 

Þar seg­ir jafn­framt, að stjórn­völd séu nú í raun­hæfri stöðu að ná fram já­kvæðum heild­ar­jöfnuði rík­is­ins áður en langt um líði.

„Þá er áætlað að frum­jöfnuður rík­is­sjóðs, þ.e. af­koma án vaxta­gjalda og -tekna, verði já­kvæður um rúm­lega 28 ma.kr., eða 0,6% af VLF á næsta ári. Áætlað er að skuld­ir rík­is­sjóðs á mæli­kv­arða skuld­a­reglu1 laga um op­in­ber fjár­mál verði í lok næsta árs um 1.400 ma.kr. eða 30,9% af VLF og lækk­ar hlut­fallið milli ára,“ seg­ir enn frem­ur.

Mik­ill bati og viðsnún­ing­ur

„Gangi þess­ar áætlan­ir eft­ir mun hafa tek­ist að festa í sessi þann mikla bata sem orðið hef­ur á af­komu- og skulda­horf­um rík­is­sjóðs á und­an­förn­um miss­er­um. Mik­ill viðsnún­ing­ur hef­ur orðið á rekstri rík­is­sjóðs eft­ir þann gríðar­mikla halla sem ein­kenndi rekst­ur­inn í kjöl­far heims­far­ald­urs­ins árin 2020–2021. Þannig var halli á frum­jöfnuði ríf­lega 190 ma.kr. hvort ár eða sem nem­ur 6–7% af VLF. Um­fang bat­ans hef­ur ný­lega verið staðfest með rík­is­reikn­ingi fyr­ir árið 2022 og reynd­ist frum­jöfnuður rík­is­sjóðs hafa verið orðinn lít­il­lega já­kvæður það árið,“ að því er fram kem­ur í frum­varp­inu. 

Tengd­ar frétt­ir

Fjár­lög 2024

Álit AGS tek­ur ekki til­lit til fjár­laga

• „Frum­varpið lýs­ir firr­ingu gagn­vart fólk­inu í land­inu“
• Fagna áhersl­um í frum­varp­inu
• Vit­um að op­in­beri geir­inn „þarf að líta í sinn rann“
• Ný hjúkr­un­ar­rými hvergi að finna í fjár­mála­áætl­un

» Fleiri tengd­ar frétt­ir

• Blogga um frétt