Af skattabreytingum sem til stendur að lögfesta á haustþingi ber hæst fyrra skrefið af tveimur að nýju heildarkerfi fyrir skattlagningu á ökutæki og eldsneyti sem ætlað er að auka tekjur ríkissjóðs um 7,5 milljarða árið 2024.

Þetta kemur fram í nýju fjárlagafrumvarpi en þar segir jafnframt, að tekjur ríkissjóðs af þeirri skattlagningu hafi rýrnað mikið á undanförnum árum samhliða breytingum á bílaflota landsmanna.

„Til að bregðast við þeirri þróun verður um áramótin komið á nýju, einföldu og sanngjarnara kerfi þar sem greiðslur bifreiðaeigenda verða í auknum mæli tengdar notkun þeirra á vegakerfinu auk þess sem að lágmark bifreiðagjalds verður hækkað.“

Þá kemur fram að tekjur af ökutækjum og eldsneyti á árinu 2024 séu áætlaðar 63,3 milljarðar. Þar af eru 7,5 milljarðar, sem fyrr segir, vegna fyrstu skrefa innleiðingar á nýju heildarkerfi fyrir skattlagningu ökutækja og eldsneytis og hækkun á lágmarksfjárhæð bifreiðagjalds.

Tengdar fréttir

Fjárlög 2024

Álit AGS tekur ekki tillit til fjárlaga

• „Frumvarpið lýsir firringu gagnvart fólkinu í landinu“
• Fagna áherslum í frumvarpinu
• Vitum að opinberi geirinn „þarf að líta í sinn rann“
• Ný hjúkrunarrými hvergi að finna í fjármálaáætlun

» Fleiri tengdar fréttir

• Blogga um frétt