Karlmaður á fertugsaldri hefur verið ákærður fyrir meiri háttar skattalagabrot með því að hafa ekki staðið skil á efnislega réttum skattaframtölum á árunum 2017 til 2019 og þannig komist hjá því að greiða skatta af tekjum upp á 53 milljónir. Nema áætluð brot mannsins samtals 23,8 milljónum.
Þetta má lesa úr ákæru embættis héraðssaksóknara á hendur manninum, en mál hans var þingfest fyrr í dag.
Vanframtöldu launin komu frá fyrirtæki í hans eigu og námu tekjuárið 2016 samtals 12,5 milljónum, tekjuárið 2017 samtals 21,8 milljónum og tekjuárið 2018 18,5 milljónum.