Ungmennum bauðst að greiða fyrir inngöngu

Ungmennum sem ekki höfðu náð 20 ára aldri bauðst að greiða fyrir inngöngu á skemmtistaðinn B við Bankastræti um helgina.

Þetta herma heimildir mbl.is. Samkvæmt þeim voru dyraverðirnir með posa við hurð og eru dæmi um að ungmenni hafi verið rukkuð um fimm þúsund krónur gegn inngöngu. Þá bauðst þeim einnig að millifæra pening í gegnum appið Aur.

Eigandi staðarins neitar þessu í samtali við mbl.is og segir að spurt sé um skilríki þegar fólk komi inn á staðinn.

Í dagbók lögreglunnar á höfuðborgarsvæðinu á sunnudaginn segir að lögreglan hafi haft afskipti af fólki undir lögaldri á skemmtistöðum í bæði Reykjavík og Kópavogi á laugardagskvöld.

Samkvæmt heimildum mbl.is var B einn af þeim skemmtistöðum og leysti lögregla upp fögnuðinn á laugardaginn. Var Sverrir Einar Eiríksson, annar eigenda staðarins, handtekinn og leiddur burt af lögreglu.

Frétt af mbl.is

Brotist inn í skóla í Grafarvogi

Frétt af mbl.is

Kvartar undan því að hafa verið handtekinn

Eigandinn segir alla spurða um skilríki

Sverrir segir að það sé fjarri því að fólk undir lögaldri geti borgað sig inn á staðinn. Hann segir að oft myndist löng röð af fólki fyrir utan skemmtistaðinn, sérstaklega á háannatímum.  

„Þar fá allir þau skilaboð að þú getur farið í línu sem heitir „Skip the line“. Þá kaupir þú tvo drykki og kemst inn. Í þeirri línu er að sjálfsögðu beðið um skilríki,“ segir Sverrir í samtali við mbl.is í dag.

„Það eru allir spurðir um skilríki sama í hvaða röð þú ert. Það kemst enginn inn án þess að vera tvítugur. Það er fjarri því að það sé hægt að borga sig inn undir aldri,“ segir Sverrir.

Ágreiningur um vinnubrögð

Í yfirlýsingu sem Sverrir sendi mbl.is í morgun segir hann að ágreiningur hafi risið um vinnubrögð lögreglu við eftirlit á veitingastað í Bankastræti.

„Okk­ur aðstand­end­um staðar­ins fannst vanta að gætt væri hófs í vinnu lög­reglu, en áður hafði þurft að leiðrétta mis­skiln­ing lög­reglu­manns sem eft­ir­litið leiddi um kröf­ur þær sem gerðar eru til dyra­varða á staðnum. Sami lög­reglumaður lét færa und­ir­ritaðan niður á lög­reglu­stöð þar sem mál­inu lauk og mér var sleppt,“ segir í yfirlýsingunni.

Fullyrt er þar að lögreglan haldi því fram að of margir hefðu verið inni á staðnum en að talning öryggismyndavélakerfis sýni að svo hafi ekki verið. 

„Ég hef sent lög­reglu­stjór­an­um á höfuðborg­ar­svæðinu form­lega kvört­un vegna fram­göngu þessa lög­reglu­manns. Okk­ur er í mun að gott sam­starf sé við lög­reglu og hörm­um að þarna hafi orðið mis­brest­ur á því. Við vinn­um að því að koma á sam­tali við lög­regl­una á höfuðborg­ar­svæðinu um vinnu­lag við eft­ir­lit sem full­nægi þörf­um lög­reglu án þess að það sé um of íþyngj­andi fyr­ir gesti og rekst­ur staðar­ins.“

• Blogga um frétt