Rannsókn lögreglunnar á Suðurlandi, á andláti konu sem fannst látin í apríl á þessu ári, er langt á veg komin en þó ekki lokið.

Sveinn Kristján Rúnarsson yfirlögregluþjónn segir embættið enn bíða eftir endanlegri krufningarskýrslu en á meðan sé unnið úr þeim gögnum sem liggja fyrir. 

Frétt af mbl.is

Fagnar ákvörðun lögreglustjórans

Í gæsluvarðhaldi í 18 vikur

Kona á þrítugsaldri fannst látin í heimahúsi á Selfossi 27. apríl. Bráðabirgðakrufning á konunni benti til þess að um manndráp væri að ræða.

Tveir menn voru handteknir í kjölfar þess að konan fannst og var öðrum þeirra sleppt úr haldi skömmu síðar. Hinn sat í gæsluvarðhaldi fram í ágúst, alls í 18 vikur. Hann er nú laus úr haldi en hefur verið úrskurðaður í farbann.

Þess ber að geta að lög um meðferð sakamála kveða á um að ekki megi úr­sk­urða sak­born­ing til að sæta gæslu­v­arðhaldi leng­ur en tólf vik­ur nema brýn­ir rann­sókn­ar­hags­mun­ir krefj­ist þess.

Aðspurður segir Sveinn Kristján allan gang vera á því hvað taki langan tíma fyrir endanlega krufningarskýrslu að skila sér. Það fari eftir eðli málsins og hvenær niðurstöður úr rannsóknum erlendis frá skili sér.

Frétt af mbl.is

Landsréttur lengdi varðhald í Selfossmáli um viku

Tengdar fréttir

Lögregla rannsakar andlát á Selfossi

Íslendingur fannst látinn í Taílandi

• Manndrápsmál á borði saksóknara í átta mánuði
• Talinn hafa spillt vettvangi í Selfossmálinu
• Rannsókn á andláti ungrar konu lokið
• Sá grunaði ekki lengur í farbanni

» Fleiri tengdar fréttir

• Blogga um frétt