Maðurinn sem hefur verið ákærður fyrir manndráp á Ólafsfirði í október á síðasta ári heitir Steinþór Einarsson og er 37 ára.

Í ákærunni segir að Steinþór hafi svipt Tómas Waagfjörð lífi með því að stinga hann tvisvar sinnum í vinstri síðu með hnífi. Missti Tómas mikið blóð og lést.

Er þess krafist að Steinþór verði dæmdur til refsingar og greiðslu alls sakarkostnaðar.

Í tveimur aðskildum einkaréttakröfum er farið fram á að hann greiði miskabætur samtals að fjárhæð 12 milljónir kr. auk vaxta ásamt skaðabótum að fjárhæð 10.988.438 kr. auk vaxta vegna missis framfæranda.

Er Steinþór sá eini sem hefur verið ákærður í tengslum við málið sem verður þingfest fyrir Héraðsdómi Norðurlands eystra á þriðjudaginn.

Frétt af mbl.is

Ákærður fyrir manndráp á Ólafsfirði

Tengdar fréttir

Manndráp á Ólafsfirði

„Umbjóðanda mínum er mjög létt“

• Var að verjast „óvæntri og lífshættulegri árás“
• Sýknaður eftir að hafa hlotið átta ára dóm
• „Ömurlegt“ að rifja manndrápið upp
• Hnífstungurnar ekki nauðsynlegar til að verjast árás

» Fleiri tengdar fréttir

• Blogga um frétt