Fækka stofnunum úr átta í þrjár

Umhverfis-, orku- og loftslagsráðuneytið hefur á undanförnum mánuðum unnið að endurskipulagningu þeirra stofnana sem starfa á vegum ráðuneytisins. Kynnt hefur verið ákvörðun um að stofnunum fækki úr átta í þrjár. 

Í tilkynningu á vef Stjórnarráðsins segir að meginmarkmið endurskipulagningarinnar sé að skapa stærri, kröftugri og faglega öflugri stofnanir sem geti tekist á við áskoranir til framtíðar og unnið að markmiðum Íslands í umhverfismálum.

Liggja nú fyrir drög að lagafrumvörpum í samráðsgátt stjórnvalda vegna:

• Náttúruverndar- og minjastofnunar en þar verða Vatnajökulsþjóðgarður, Þjóðgarðurinn á Þingvöllum, náttúruverndarsvið Umhverfisstofnunar og Minjastofnun Íslands sameinuð.
• Loftslagsstofnunar þar sem Orkustofnun og Umhverfisstofnun (umhverfis- og loftslagsmál) verða sameinaðar.
• Einnig stendur til að sameina Náttúrufræðistofnun Íslands, Náttúrurannsóknastöðina við Mývatn (RAMÝ) og Landmælingar Íslands verða sameinaðar.

Frétt af mbl.is

ÍSOR og Veðurstofan ekki inni í sameiningunni

Frestur til 4. október

Athugasemdafrestur vegna framangreindra frumvarpa er til 2. og 4. október næstkomandi. Hagsmunaaðilar og aðrir áhugasamir eru einnig hvattir til að koma sjónarmiðum sínum á framfæri gagnvart áframhaldandi vinnu við áformaða endurskipulagningu stofnanakerfis ráðuneytisins.

Umsagnarfrestur í samráðsgátt stjórnvalda vegna áframhaldandi vinnu við stofnanabreytingar ráðuneytisins er til 9. október næstkomandi.

Frétt af mbl.is

Vill sameina tíu stofnanir í þrjár

• Blogga um frétt