Skjálftinn reyndist stærri en talið var

Mikil skjálftavirkni hefur mælst víða á Reykjanesskaga undanfarna viku og fremur mikið hefur verið um smáskjálfta. Fjallað er um þetta í vikuyfirliti á vef Veðurstofunnar.

Tveir skjálftar yfir þremur að stærð mældust á skaganum í gærkvöldi. Sá fyrri varð kl. 18.42 undir Kleifarvatni en sá síðari kl. 21.32, vestarlega á Reykjanesskaga, við Sandfellshæð.

Frétt af mbl.is

Tveir skjálftar yfir þremur stigum

Aukin virkni heldur áfram

Báðir voru þeir samkvæmt mælingum í gærkvöldi taldir af stærðinni 3,1. Kleifarvatnsskjálftinn var svo í morgun færður upp í 3,3, eftir nánari athugun vísindamanna á Veðurstofunni.

Smáskjálftavirkni hefur verið fremur mikil á svæðinu undanfarna viku og svo virðist sem sú aukna virkni haldi áfram inn í þessa viku, að því er segir á vef Veðurstofunnar.

Greint var frá því í Morgunblaðinu og á mbl.is á mánudag að möttulstrókur­inn und­ir Vatna­jökli kunni að hafa teygt sig und­ir Reykjanesskagann. Skýr merki um landris sjást á mæl­um í jörðu og ljóst þykir að kvika safn­ast fyr­ir á um sex­tán kíló­metra dýpi.

Frétt af mbl.is

Líkist Öskju og Veiðivötnum

• Blogga um frétt