„Við vorum bara heima í rólegheitum þegar við sáum allt loga í bláum ljósum og þá var slökkviliðsbíll hérna fyrir utan, þrír sjúkrabílar og alla vega fjórir lögreglubílar og allir á hlaupum,“ segir íbúi í fjölbýlishúsi við Bátavog í Vogabyggð þar sem maður á sextugsaldri lést um helgina. Kona var úrskurðuð í gæsluvarðhald vegna málsins og það framlengt til 4. október í gær.

Frétt af mbl.is

Dánarorsök mannsins enn óljós

„Ég sá engan fara út í járnum en þegar þriðji sjúkrabíllinn kom voru þeir að fara með mann út á börum og voru að hnoða hann, þeir skiptust á að hnoða hann, við stóðum hérna úti á svölum og það gerðu fleiri íbúar hér líka, til dæmis nágranni minn við hliðina á mér, við vorum að ræða saman hérna meðan á þessu stóð,“ segir íbúinn.

Í öðrum stigagangi

Viðmælandi mbl.is kveðst ekkert hafa þekkt til fólksins sem í hlut á í þessu máli. „Ég er náttúrulega í öðrum stigagangi svo þetta er ekki einhver sem maður rakst á í stigaganginum reglulega. Ég veit ekkert hvort konan býr þarna eða hvort hann bjó þarna,“ segir viðmælandinn að lokum.

Ævar Pálmi Pálmason, aðstoðaryfirlögregluþjónn hjá miðlægri rannsóknardeild lögreglunnar á höfuðborgarsvæðinu, sagði við mbl.is að rannsókn málsins væri í fullum gangi og miðaði vel, verið væri að taka skýrslur af fólki, afla gagna og fara yfir gögn.

Tengdar fréttir

Manndráp í Bátavogi

Dag­björt Guð­rún á­frýjar 10 ára fangelsis­dómi

• Háttsemin sprottin af grimmúðlegum hvötum
• Dagbjört dæmd í 10 ára fangelsi fyrir líkamsárás
• Tekist á um ásetning Dagbjartar
• Sagðist ætla að fara frá Dagbjörtu

» Fleiri tengdar fréttir

• Blogga um frétt