Treystir kærunefnd útlendingamála

Katrín Jakobsdóttir forsætisráðherra segir það liggja fyrir að ákvörðun kærunefndar útlendingamála um að synja þremur umsækjendum frá Venesúela um viðbótarvernd vegna upprunalands sé fordæmisgefandi fyrir þær ákvarðanir sem á eftir koma.

Þar með snúist við fyrri túlkun kærunefndarinnar um að fólk frá Venesúela njóti viðbótarverndar hér á landi.

Frétt af mbl.is

„Ég tel þetta vera rétta niðurstöðu“

Margir bíða niðurstöðu í kerfinu 

Spurð að loknum ríkisstjórnarfundi hvað henni finnist um þetta bendir Katrín á að í þessu máli eins og þeim fyrri treysti ríkisstjórnin kærunefndinni til að taka þessar ákvarðanir.

„Þau hafa tekið þessa ákvarðanir sem munu hafa áhrif á framhaldið því við erum með mjög marga einstaklinga frá Venesúela sem bíða hér niðurstöðu í kerfinu. Þetta þýðir á íslensku að fólkið getur ekki sjálfkrafa fengið viðbótarvernd. Þeirra mál eru tekin fyrir á einstaklingsgrundvelli,” segir forsætisráðherra og bætir við að fleiri munu óska eftir aðstoð við sjálfviljuga heimför en áður.

Frétt af mbl.is

Fær ekki alþjóðlega vernd hér á landi

Dómsmálaráðherra kynnti ríkisstjórninni niðurstöðu kærunefndarinnar á ríkisstjórnarfundinum.

Verður þessi ákvörðun kærunefndar afturvirk?

„Ég sé nú ekki forsendur til þess enda er þetta ný ákvörðun sem varðar þau sem á eftir koma,“ segir Katrín. 

Frétt af mbl.is

Líklega um „fordæmisgefandi úrskurði að ræða“

• Blogga um frétt