Vitundarvakning þolir enga bið
Setja bókamerki
Katrín Jakobsdóttir forsætisráðherra er að undirbúa vitundarvakningu um hatursorðræðu og ætlar að leita samstarfs úr mörgum áttum.
„Ég tel að það sem ég get sjálf gert þoli enga bið. Af því að við erum að sjá þetta bakslag hvað varðar hatursorðræðu allt í kringum okkur,” sagði Katrín að loknum ríkisstjórnarfundi í dag.
Ráðist var á karlmann sem sótti ráðstefnu Samtakanna '78 fyrr í vikunni. Einnig var veist að litlum hópi ráðstefnugesta sem var á göngu niðri í bæ. Grunur leikur á að fleiri en einn hafi komið að árásinni.
Katrín ræðst í verkefnið í krafti embættis síns sem forsætisráðherra eftir að hafa í fyrra lagt fram á Alþingi sérstaka aðgerðaáætlun gegn hatursorðræðu. Endurskoðuð áætlun er væntanleg frá henni.
/frimg/1/43/31/1433116.jpg)
„Allt annar heimur“
„Við erum að sjá þá staðreynd að til dæmis börn og ungmenni eru umkringd allt annars konar áreiti en fyrri kynslóðir. Þetta er bara allt annar heimur og ég held að það skipti gríðarlegu máli að mæta þessu unga fólki á þeim stað þar sem það er,” sagði Katrín um vitundarvakninguna.
„Við erum með löggjöf um hatursorðræðu, tiltölulega nýlega, og það skiptir máli að stjórnvöld framfylgi því að fræða og vekja athygli á því hvað þetta merkir.”
Gosið gæti varað lengur: Meiri fyrirstaða í gosrásinni
Sparnaður heimila vex meira en áður var talið
Úlfar: Heppileg tímasetning á gosinu
Á algjöru frumstigi eftir þrjár vikur af verkfalli
Tekist á um áður óþekkta skýrslu landlæknis
Skiptir mestu máli að fjárlögin voru samþykkt
Erlendir miðlar greina frá tíunda gosinu
Heitt vatn fannst sem gæti annað 10 þúsund manns