Manninum líklega ráðinn bani
Setja bókamerki
Ævar Pálmi Pálmason, aðstoðaryfirlögregluþjónn hjá miðlægri rannsóknardeild lögreglunnar á höfuðborgarsvæðinu, segir í samtali við mbl.is að allt bendi til þess manni á sextugsaldri hafi verið ráðinn bani í íbúð í fjölbýlishúsi við Bátavog í Reykjavík um þar síðustu helgi.
„Við teljum okkur geta sagt það með vissu að manninum hafi verið ráðinn bani og áverkar á honum eru með þeim hætti, án þess að ég geti farið nánar út í það hvaða áverkar það eru. Kona er í gæsluvarðhaldi vegna gruns um manndrápið. Rannsóknin snýst um það,“ segir Ævar Pálmi við mbl.is.
Konan, sem er um fertug, var handtekin á vettvangi og var úrskurðuð í gæsluvarðhald. Gæsluvarðsúrskurður hennar rennur út á morgun.
Ævar segir að ákvörðun verði tekin á morgun hvort óskað verður eftir áframhaldandi gæsluvarðsúrskurði.
Alvarleg netárás á Wise
„Þetta er ríkisstjórn almannahagsmuna“
Ók á hóp fólks á jólamarkaði: Einn látinn
„Börn heima sem maður myndi vilja hafa í skjóli“
Forstjóri bendir á ábyrgð birgja vegna verðhækkana
Skattamál verði líklega „þeirra mesta klemma“
Þetta eru ráðherrar ríkisstjórnarinnar
Lát hjóna í Neskaupstað: Ákæra gefin út
