Nokkuð kröftugur skjálfti varð í Bárðarbungu nú fyrir skömmu. Mældist hann 4,7 að stærð samkvæmt upplýsingum frá Veðurstofu Íslands.

Fjórtán stórir skjálftar hafa orðið í Bárðarbungu það sem af er ári.

Skjálftinn reið yfir kl. 16.11 í dag um 4,9 kílómetrum suðaustur af Bárðarbungu.

Einar Bessi Gestsson, náttúruvársérfræðingur hjá Veðurstofu Íslands, segir í samtali við mbl.is að skjálfti af þessari stærð hafi seinast orðið í Bárðarbungu í febrúar og var hann þá 4,8 að stærð. Þar á undan hafi skjálfti af stærðinni 4,9 orðið í júlí í fyrra.

14 skjálftar yfir 3 að stærð það sem af er ári

„Í rauninni eru skjálftar af þessari stærðargráðu fremur algengir í Bárðarbungu,“ segir Einar Bessi. „Við vorum síðast með skjálfta þarna þann 3. september. Hann var um 3,9 [að stærð].“

Einar bætir við að alls hafi um 14 skjálftar sem eru yfir 3 að stærð orðið í Bárðarbungu það sem af er ári.

Frétt af mbl.is

Skjálfti af stærð 3,9 í Bárðarbungu

Fréttin hefur verið uppfærð.

Tengdar fréttir

Bárðarbunga

3,5 stiga skjálfti í Bárðarbungu

• Skjálftinn reyndist enn stærri en talið var
• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu

» Fleiri tengdar fréttir

• Blogga um frétt