Lýst er eftir Sigurveigu Steinunni Helgadóttur, 26 ára konu, sem ekki hefur komið heim síðan hún fór frá heimili sínu í Vesturbæ Reykjavíkur aðfaranótt þriðjudags.
Fjölskyldan hefur tilkynnt hvarf Sigurveigar til lögreglu sem mun að öllum líkindum senda út tilkynningu í dag. Fréttin er unnin með leyfi fjölskyldunnar sem lýsti eftir henni á samfélagsmiðlum síðdegis í gær.
Sigurveig er 170 sentimetrar á hæð og mjög grannvaxin. Ekki er vitað með vissu um klæðaburð hennar en líkur eru á að hún hafi verið klædd í svarta síða úlpu með hettu er hún fór að heiman.
Þau sem kunna að hafa upplýsingar um ferðir Sigurveigar eru beðin um að hafa samband við lögregluna á höfuðborgarsvæðinu í síma 444-1000.