Veðurstofan hefur gefið út gular viðvaranir sem taka gildi í nótt á höfuðborgarsvæðinu, Faxaflóa og Suðurlandi vegna úrhellisrigningar.
Bendir Veðurstofan á mikilvægi þess að hreinsa ræsi og niðurföll til að forðast vatnstjón. Einnig þurfi að fylgjast vel með kjöllurum og skemmum sem gætu orðið fyrir vatnstjóni.
Viðvaranir gilda fram á kvöld á morgun.
Þá taka gular viðvaranir gildi fyrir allt landið aðfaranótt þriðjudags vegna norðanstorms með rigningu eða snjókomu.
Færð gæti spillst á Vestfjörðum, Ströndum, Norðurlandi vestra og eystra, Austurlandi og Austfjörðum. Veðurstofan hvetur fólk sem hyggur á ferðalög til að fylgjast vel með veðurspám og ástandi næstu daga.
Viðvaranirnar gilda til miðnættis á miðvikudag.