Stjórnvöld senda farþegaflugvél til Ísrael
Setja bókamerki
Utanríkisráðherra hefur ákveðið að senda farþegaflugvél á vegum íslenska ríkisins til Ísrael. Þetta kemur fram í tilkynningu á vef utanríkisráðuneytisins. Um er að ræða vél Icelandair sem íslensk stjórnvöld munu taka á leigu.
Vélinni er ætlað að ferja heim um 120 Íslendinga sem þar eru strandaglópar vegna ófriðarástandsins í landinu en það hefur sett allar samgöngur úr skorðum.
Gert er ráð fyrir að vélin fari frá Tel Aviv klukkan 09.10 að staðartíma í fyrramálið og farþegar verði komnir til Íslands um miðjan dag á morgun. Áætlunin er þó gerð með þeim fyrirvara að verði breytingar á stöðunni í Ísrael, mun framkvæmdin taka mið af því.
Ísland hyggst bjóða Norðurlöndum og Eystrasaltsríkjum laus sæti í vélinni sem ekki nýtast fyrir íslenska ríkisborgara.
Fréttin hefur verið uppfærð.
Barn lést í árásinni
Funda með þingflokkum
Ók á hóp fólks á jólamarkaði: Einn látinn
Víkingar komnir yfir 800 milljónir í greiðslur
Beint: Ný ríkisstjórn tekin við völdum
Samfylking og Viðreisn gáfu loforð
„Börn heima sem maður myndi vilja hafa í skjóli“
„Tímabil aukinnar eldvirkni“
