Maðurinn sem er ákærður fyrir tilraun til manndráps á skemmtistaðnum Dubliner í mars síðastliðnum kaus af gefa ekki skýrslu við upphaf aðalmeðferðar málsins í Héraðsdómi Reykjavíkur í morgun.

Frétt af mbl.is

Ákærður fyrir tilraun til manndráps á Dubliner

„Ég var svo grillaður á því á þessum tíma," sagði maðurinn, Fannar Daníel Guðmundsson, og vísaði þess í stað í skýrsluna sem lögreglan tók af honum eftir að hann var handtekinn, grunaður um verknaðinn.

Sá ákærði ásamt lögmanni sínum Þorgils Þorgilssyni í dómsal í morgun. mbl.is

Skot með afsagaðri haglabyssu

Fannar er ákærður fyrir að hafa farið inn á Dubliner vopnaður hlaðinni afsagaðri haglabyssu og beint henni að þremur viðskiptavinum og barþjóni áður en hann hleypti af einu skoti rétt hjá fólkinu.

Skot sem Fannar, sem er um þrítugt, hleypti af við barinn fór í vegginn og forðaði hann sér á hlaupum í kjölfarið en lögreglan fann skotvopn í grenndinni. Kvöldið eftir var hann handtekinn.

Einnig ákærður í öðru máli

Fannar er í öðru máli ákærður fyrir rán og frelsissviptingu í félagi við annan mann á síðasta ári, auk þess sem Fannar er sakaður um kynferðisbrot í sama máli. Það mál verður tekið fyrir í héraðsdómi á morgun en þinghaldið verður lokað. 

Tengdar fréttir

Skoti hleypt af á skemmtistaðnum Dubliner

Landsréttur þyngdi dóm Fannars um tvö ár

• Fannar dæmdur í átta ára fangelsi
• „Leit út fyrir að vera útúrdópaður“
• Notuðu þrívíddarskanna vegna skotárásar
• „Þetta er sprengja, þetta er sprengja!“

» Fleiri tengdar fréttir

• Blogga um frétt