Íslendingarnir sem áttu að fara með farþegaflugvél á vegum íslenska ríkisins klukkan 9 í morgun að staðartíma í Ísrael fara ekki í loftið á þeim tíma.
Þeir munu þess í stað fara með rútu frá hótelinu í Jerúsalem klukkan 11.30 að staðartíma. Rútan mun flytja fólkið að landamærum Jórdaníu þar sem skipt verður um rútu en sú mun flytja hópinn að flugvellinum í Amman í Jórdaníu.
Þar mun farþegaflugvélin á vegum íslenskra stjórnvalda bíða eftir hópnum og flytja til Íslands.