Hellisheiði lokað og björgunarsveitir kallaðar út

Hellisheiði hefur verið lokað vegna veðurs. Vindhraði er í kringum 20 metrar á sekúndu á heiðinni og þæfingsfærð.  Hjáleið er um Þrengslin en einungis vel búnum bílum er hleypt þar í gegn.

Vegurinn um Þrengsli er á óvissustigi og því verður einungis vel búnum bílum hleypt þar í gegn samkvæmt upplýsingum frá Vegagerðinni.

Frétt af mbl.is

Vegirnir um Þrengsli og Hellisheiði á óvissustigi

Fjöldi bifreiða sitja fastar

Björgunarsveitir á Selfossi, Stokkseyri, Eyrarbakka, Þorlákshöfn, Hveragerði og í Reykjavík hafa verið kallaðar út vegna fjölda bifreiða sem sitja fastar bæði í Þrengslunum og í Hveradalabrekkunni.

Jón Þór Víglundsson, upplýsingafulltrúi Slysavarnarfélagsins Landsbjargar, staðfestir í samtali við mbl.is að búið sé að kalla út sveitirnar austan Hellisheiðar og í Reykjavík.

• Blogga um frétt