Samkvæmt heimildum Morgunblaðsins verða á fundinum ræddir þeir málaflokkar sem til umfjöllunar hafa verið í starfshópum stjórnarflokkanna síðustu tvo daga, en þar eiga sæti þingflokksformenn flokkanna og aðstoðarmenn ráðherra.

Þau mál sem rædd hafa verið í starfshópunum eru þau sem einkum hafa borið í milli í áherslum flokkanna og má þar nefna útlendingamál og orkumál, en einkum verður staða efnahagsmála, aðgerðir til að vinna bug á verðbólgu og húsnæðismál til umfjöllunar, svo nokkuð sé nefnt.

Frétt af mbl.is

Uppstokkun á næstu dögum

Stólaskipti líklegust

Hvað mögulegan ráðherrakapal í ríkisstjórninni varðar þá er það svo að flestir úr þingliði Sjálfstæðisflokksins sem Morgunblaðið hefur rætt við eru þeirrar skoðunar að líklegast sé að Bjarni Benediktsson og Þórdís Kolbrún Reykfjörð Gylfadóttir hafi stólaskipti. Þó álíta ekki allir að best fari á því. Ef þannig færi að Bjarni Benediktsson hyrfi frá ráðherradómi um sinn myndi það kalla á breytingar á ráðherrahópi Sjálfstæðisflokksins og einnig mögulega uppstokkun ráðuneyta á milli stjórnarflokkanna.

Ef til þess kemur eru bæði Framsóknarmenn og Sjálfstæðismenn sagðir fylgjandi því að matvælaráðuneytið hverfi frá Vinstri grænum, enda er mikil gremja í gangi yfir framgöngu Svandísar Svavarsdóttur matvælaráðherra, ekki síst meðal Sjálfstæðismanna. Mögulegt er að Svandís fái á sig ákúrur frá umboðsmanni Alþingis vegna framgöngu sinnar í hvalveiðimálinu og verði tæpast vært í ráðuneytinu eftir það. Það mun þó vart leiða til þess að Vinstri grænir missi spón úr aski sínum. Þyrfti því að skjóta öðrum ráðherrastól undir Svandísi. Það myndi aftur á móti kalla á uppstokkun ráðuneyta á milli stjórnarflokkanna.

Tengdar fréttir

Bjarni segir af sér sem fjármálaráðherra

Leggur til sölu Íslandsbanka með almennu útboði

• Er nóg að trúa því að verðbólgan muni lækka?
• Verið að ýta Svandísi út í horn
• Segir Sjálfstæðisflokk ekki eiga að sjá um söluna
• Telur augljóst að Þórdís verði næsti formaður

» Fleiri tengdar fréttir