Formenn stjórnarflokkanna efna til blaðamannafundar klukkan 11. Þar verður fjallað um erindi stjórnarinnar á síðari hluta kjörtímabilsins, með efnahagsmál í brennidepli. Klukkan 2 hefst svo ríkisráðsfundur á Bessastöðum, þar sem ráðherraskipti fara fram.

Frekari breytingar mögulegar

Undanfarna daga hefur verið um það rætt að frekari breytingar yrðu gerðar á ríkisstjórninni, jafnvel að ráðuneyti gengju á milli flokka, en tíminn þótti of skammur til slíks. Ekki er útilokað að þær geti orðið síðar í vetur, hugsanlega um áramót.

Leiðtogar stjórnarflokkanna hafa liðna daga átt fundi um hvernig bæta megi ríkisstjórnarsamstarfið og skerpa á stjórnarsáttmálanum, bæta vinnulag og jafna ágreining. Að sögn verður áherslan á efnahagsmál og þau mál sem góð samstaða er um. Stjórnarþingmaður taldi of mikið gert úr ágreiningsefnum, en mögulega þyrfti að grisja þingmálalistann.

Þingflokkar ríkisstjórnarinnar héldu sameiginlegan vinnufund á Þingvöllum í gær til þess að stilla saman strengi sína, en það segir kannski sína sögu að þetta er fyrsti slíki fundurinn á kjörtímabilinu.

Tengdar fréttir

Bjarni segir af sér sem fjármálaráðherra

Leggur til sölu Íslandsbanka með almennu útboði

• Er nóg að trúa því að verðbólgan muni lækka?
• Verið að ýta Svandísi út í horn
• Segir Sjálfstæðisflokk ekki eiga að sjá um söluna
• Telur augljóst að Þórdís verði næsti formaður

» Fleiri tengdar fréttir