Háskóli Íslands varar við tilraunum til netsvika í nafni háskólans. Vefsíða í nafni HÍ er uppi á ensku þar sem reynt er að blekkja notendur til að skrá sig í nám við skólann.

Samtímis því eru notendur krafðir um greiðsluupplýsingar eins og verið sé að innheimta skráningargjald í HÍ. Þetta kemur fram í tilkynningu frá háskólanum.

„Við fyrstu sýn virðist ekkert athugavert við síðuna en þegar grannt er skoðað er margt vafasamt. Aðilar sem hafa svona síður virkar virðast enda æ klókari í að setja gögn fram til að blekkja fólk,“ segir í tilkynningunni.

Umrædd vefsíða sé aðeins gerð til að hafa fé af fólki ólöglega eða fá fram fjárhagslegar upplýsingar til að nota í ólöglegum tilgangi.

Háskólinn hvetur fólk til að sniðganga síðuna alfarið og setja engin gögn inn á hana, enda sé einungis hægt að skrá sig til náms á vef Háskóla Íslands.

Tengdar fréttir

Netsvik

Erlend netárás gerð á Bland.is

• Falskir rafmyntasalar herja á landann
• Best að skella á og hringja strax í bankann
• Fattaði fljótlega að um svindl væri að ræða
• Gætu séð allt sem er í tölvunni

» Fleiri tengdar fréttir

• Blogga um frétt