Starfsmaðurinn rannsakaður fyrir blygðunarsemisbrot

Skólastjóri Laugarnesskóla hefur sent tölvupóst á foreldra þar sem hann upplýsir foreldra um að einn starfsmaður skólans, sem var handtekinn á fimmtudag grunaður um kynferðisbrot, sé undir rannsókn fyrir blygðunarsemisbrot.

Frétt af mbl.is

Treysta því að foreldrar verði upplýstir

„Nú í lok dags fengum við staðfest hjá lögreglu að verið er að rannsaka málið sem blygðunarsemisbrot og að það sé ekkert sem bendi til annars á þessari stundu en að um einstakt tilvik hafi verið að ræða. Lögregla hefur einnig tjáð okkur að málið sé í forgangi og að vonandi verði hægt að veita nánari upplýsingar á næstu dögum,“ segir meðal annars í tölvupósti Björns Gunnlaugssonar skólastjóra.

Frétt af mbl.is

Starfsmaður Laugarnesskóla handtekinn

Í tölvupóstinum kemur einnig fram að skólanum þyki leitt hvernig umfjöllun í fjölmiðlum „atvikaðist“ og að skólanum hefði fundist ákjósanlegast að hafa samband við foreldra áður en fréttir um málið birtust.

Mbl.is hafði greint frá því að Grím­ur Gríms­son, yf­ir­lög­regluþjónn miðlægr­ar rann­sókn­ar­deild­ar, hafði sagt málið verið rannsakað sem kynferðisbrot.

Frétt af mbl.is

Mál starfsmannsins rannsakað sem kynferðisbrot

„Að lokum vil ég biðjast velvirðingar á því hve seint þessi póstur berst, en talið var mikilvægt að hafa samráð við foreldra þeirra barna sem eiga í hlut áður en hann var sendur,“ segir að lokum í tölvupósti skólastjórans til foreldra.

• Blogga um frétt