Þýðir ekki að vaða yfir heimafólk
Setja bókamerki
Ráðherrar Skotlands og Grænlands voru á meðal þeirra sem töluðu um mikilvægi þess að eiga gott samtal við almenning vegna orkumála á ráðstefnu sem var haldin á Hilton Reykjavík Nordia Hótel í morgun um orkuöryggi og samfélag.
Ráðstefnan var hluti af þingi Hringborðs norðurslóða – Arctic Circle Assembly 2023, sem hófst í morgun. Orkuöryggi er ofarlega í huga heimsbyggðarinnar um þessar mundir enda standa þjóðir frammi fyrir miklum áskorunum vegna stríðsátaka og áforma um að umbylta orkukerfum heims á næstu áratugum til að draga úr losun á gróðurhúsalofttegundum.
Gillian Martin, orku- og umhverfisráðherra í skosku ríkisstjórninni, sagði framkvæmdaaðila venjulega lofa heimamönnum sterkum innviðum í tengslum við fyrirhuguð verkefni, til dæmis vindmyllugarða, en ekki stæðu allir við það. Hún sagði framkvæmdaaðilana verða að útskýra fyrir fólki hvað þeir vilja gera og eiga gott samtal við heimafólk.
Kjell-ArneOttosson, sænskur þingmaður og formaður þróunarnefndar hjá Norrænu ráðherranefndinni, tók í sama streng og sagði nauðsynlegt að ræða við alla þá sem verða fyrir áhrifum vegna framkvæmda í þeirra nærumhverfi. Ekki þýddi að vaða yfir heimafólk heldur fá álit þess á hlutunum áður en ráðist væri í verkefnin.
Kalistat Lund, landbúnaðar-, sjálfbærni-, orku- og umhverfisráðherra Grænlands, sagði að það að fá heimamenn með í umræðuna um orkumál skapaði traust. „Landið okkar er stórt en við erum fámenn,” sagði Lundo og nefndi sem dæmi vetnisframleiðslu á svæðum langt frá heimkynnum Grænlendinga. Hún sagði slík verkefni ekki hafa bein áhrif á fólk, nema ef það væri á veiðum í nágrenninu. Gott samtal þyrfti að eiga sér stað, til dæmis á meðal stjórnvalda og almennings.
„Má segja að þetta gos hafi þjófstartað“
Hraunið við bílastæði Bláa lónsins
Virknin dregist saman um 600 metra
Mjög alvarlegt ef Njarðvíkuræð gefur sig
Yfir 300 stæði fóru undir hraun
Fullvissa ferðamenn um að hér sé öruggt
/frimg/1/53/8/1530849.jpg)
Fatlaður drengur fær ekki þjónustu í verkfalli