Ofbeldismálið ekki á borði Lögmannafélagsins

Mál hæstaréttarlögmanns, sem grunaður er um árás gegn öðrum manni, er ekki komið á borð Lögmannafélags Íslands.

Þetta staðfestir Sigurður Örn Hilmarsson, formaður Lögmannafélags Íslands, í samtali við mbl.is. Greint var frá því í gær að lögmaðurinn ætti yfir höfði sér kæru vegna málsins, að því er heimildir mbl.is herma.

Frétt af mbl.is

Þekktur lögmaður grunaður um líkamsárás

Grunaður um að hafa veist að verslunareiganda

Maður­inn er grunaður um að hafa veist að öðrum manni, í versl­un sem er í eigu fórn­ar­lambs­ins í miðborg Reykja­vík­ur, og veitt hon­um áverka. Lögmaður­inn er meðeig­andi einn­ar stærstu lög­manns­stofu landsins og á sæti í stjórn­um nokk­urra fyr­ir­tækja.

„Ég þekki ekki til málsins nema það sem ég hef lesið í fjölmiðlum og ég veit ekki hvað er satt né rétt í þeim fréttaflutningi,“ segir Sigurður og bætir við:

„Þarna er fréttaflutningur um meint ofbeldisbrot. Slík mál eru kláruð í réttarvörslukerfinu og ég geri ráð fyrir að það fái úrlausn þar, ef til kemur,“ segir Sigurður að lokum.

• Blogga um frétt