42% Íslendinga líst illa á hugmyndina um að koma fyrir Parísarhjóli í tilraunaskyni til nokkurra ára á Miðbakka, við gömlu höfnina í Reykjavík.
Þetta kemur fram í niðurstöðum skoðanakönnunar Prósents.
34% þjóðarinnar líst vel á hugmyndina og 24% líst hvorki vel né illa á hana.
Marktækur munur er á viðhorfi eftir aldri. Þau sem eru 45 ára og yngri líst betur á hugmyndina en þau sem eldri eru.
Sömuleiðis líst íbúum landsbyggðarinnar betur á hugmyndina en íbúum höfuðborgarsvæðisins. 35% íbúa landsbyggðarinnar líst illa á hugmyndina en 46% íbúa höfuðborgarinnar.
2.400 voru í úrtaki Prósents og var svarhlutfallið 50%. Könnunin var framkvæmd dagana 14. til 28. september.