Guðrún Haf­steins­dótt­ir dóms­málaráðherra ætl­ar að taka sér frí eft­ir há­degi á morg­un til þess að mæta á sam­stöðustöðufund á Arn­ar­hóli í til­efni kvenna­verk­falls­ins.

Frétt af mbl.is

Karl­arn­ir í Fram­sókn „baka fyr­ir okk­ur vöffl­ur“

Guðrún staðfesti þetta í skrif­legu svari til mbl.is en eng­inn mun leysa ráðherra af hólmi þann tíma sem hann legg­ur niður störf.

Katrín Jak­obs­dótt­ir for­sæt­is­ráðherra og Lilja Al­freðsdótt­ir, menn­ing­ar- og viðskiptaráðherra greindu frá því í sam­tali við mbl.is fyrr í dag að þær munu leggja niður störf á morg­un og ætla að mæta á sam­stöðufund­inn sem hefst á Arn­ar­hóli klukk­an 14. Katrín tók þá ákvörðun fyr­ir helgi að fresta rík­is­stjórn­ar­fundi sem jafn­an er á þriðju­dög­um og verður hann þess í stað á miðviku­dag­inn.

Frétt af mbl.is

For­sæt­is­ráðherr­ann alltaf á vakt­inni

Áslaug Arna Sig­ur­björns­dótt­ir, há­skóla-,iðnaðar- og ný­sköp­un­ar­ráðherra, er stödd er­lend­is en ekki hef­ur náðst í Þór­dísi Kol­brúnu Reyk­fjörð Gylfa­dótt­ur fjár­málaráðherra né Svandísi Svavars­dótt­ur mat­vælaráðherra til að fá upp­lýs­ing­ar hjá þeim hvort þær hygg­ist leggja niður störf á morg­un eða ekki.

Tengd­ar frétt­ir

Kvenna­frí­dag­ur

Ræddu kröf­ur kvenna­verk­falls­ins

• 73% hlynnt kvenna­verk­fall­inu
• Kvenna­verk­fallið vakti at­hygli um all­an heim
• Hvað er svona merki­legt við það að vera kvenmaður?
• Bar­áttufund­ir víða um land

» Fleiri tengd­ar frétt­ir

• Blogga um frétt